Nagpaalala ang Department of Labor and Employment (DOLE) sa mga employer sa mga pribadong sektor sa kanilang mandato na ibigay ang mandatoryong 13th month pay ng mga empleyadp bago ang Disyembre 24.
Ayon kay DOLE- Bureau of Working Conditions Director Alvin Curada, ipinaalala na ni Labor Secretary Bienvenido Laguesma noon pa lamang Oktubre at Nobiyembre ang responsibilidad ng mga employer sa kanilang mga empleyado na magbigay ng 13th month pay o katumbas ng isang buwang sahod.
Binigyang diin ng DOLE official na nakasaad sa Labor Code of the Philippines at Presidential Decree 851 na kwalipikado ang mga manggagawa sa mga pribadong kompaniya para sa 13th month pay.
Gayundin, ang mga rank-and-file employees na sinasahuran ng fixed o guaranteed wage kasama ang komisyon basta’t nakapag-render ng isang buwan sa trabaho, ang mga may multiple employers, mga nag-resign, ang mga na-terminate sa trabaho o nasa maternity leave at tumanggap ng salary differential.
**
Tiniyak ng Office of the Ombudsman na kanilang patuloy na tututukan pa rin ang mga kasong may kinalaman sa maanomalyang flood control projects ng pamahalaan.
Ibinahagi mismo ni Assistant Ombudsman Mico F. Clavano, makakaasa umano ang publiko na kanilang di’ pababayaan ang patungkol rito.
Makaseseguro din aniya na walang kinatatakutan, at pinapaburan ang mga kasong isinasampa o imbestigasyon kaugnay sa flood control scandal.
Kung saan mariin pa niyang inihayag ang paninindigan na ang pondo ng gobyerno sa flood control ay upang maresolba ang pagbaha at hindi para payamanin lamang ang iilan.
Dahil rito’y kanyang sinabi na bilang tanod-bayan, kanilang papanagutin mga sangkot na opisyal at kontratista sa isyu ng korapsyon.
**
Inanunsiyo ng Working People Against Corruption na binubuo ng mga manggagawa, ang pagdaraos ng malawakang kilos-protesta laban sa korapsiyon sa gobyerno sa Nobiyembre 30.
Ayon kay Working People Against Corruption spokesperson Ed Kline na sentro ng kanilang panawagan ang pagbibitiw nina Pangulong Ferdinand Marcos Jr. at Vice President Sara Duterte.
Aniya, hindi na masikmura ng sektor ng mga manggagawa ang kasalukuyang pagpapahirap sa lahat ng sektor ng lipunan na naapektuhan ng kontraktwalisasyon.
Hindi na aniya sila mananahimik na lamang dahil kinabukasan ng mga hinaharap na henerasyon ang nakataya dito.
Samantala, sinegundahan din ng Migrante International, na kasapi sa naturang grupo, ang panawagan na magbitiw sina Pang.Marcos at VP Sara.